Hili Ai husi Norberto Fatima Perreira

”Ami nia familia usa ai mak tein, tamba ne’e ami tenke hili ai maran hodi prepara hahan. Ha’u ho ha’u nia alin Isaias mak sempre hili ai no ama mak tein ba ami han.”

Retratu Rasik husi Abel de Jesus Soares

“Ha’u gosta tebes halo arte. Ha’u hanoin ema barak iha Timor gosta pinta, liu-liu jovem sira. Arte Moris mak arte kolekta iha Dili. Timor oan barak halo servisu Artista kriativu iha neba. Sira mos hanorin joven sira oin sa hatu kria arte. Ha’u sempre visita fatin ne’e iha ha’u nia tempo livre.”

Sosa Modo husi Adelina Josefina da Costa

"Iha tempo dader, ha’u nia tian Atita tenki hader sedu atu nune’e nia bele hola modo ba meudia nian. Iha Timor fasil tebes atu hetan ema fa’an modo iha dalan ninin ho gerobak."

Fahi husi Anicia Goncalves Sarmento

”Ha’u nia avo gosta hakiak animal. Wanhira ha’u visita, ha’u husu sira karik hau bele hasai sira nian fahi nia foto. Hau gosta betes hasai aminal sira nian foto. Ha’u hanoin aminal sira parseiru diak liu ho ema."

Fahan Bandeira husi Arlindo Americo Perreira Rodrigues

“Foto ida ne’e ha’u hasai antes 20 de Maio Loron Independensia. Iha momentu ne’e, ema barak mak fahan badeira Timor iha dalan. Ha’u husu alin mane ne’e osan hira mak nian hetan iha loron ida. Nia dehan dalaruma nia bele hetan vinte dollars.”

Visita husi Virgen Maria husi Finolia da Costa Faria Barreto Guterres

“Iha fulan Maio Virgen Maria visita uma iha Timor-Leste. Ho simbolu ida ne’e, ema barak mak lori estatua husi igreja ba uma sira seluk iha komunidade kalan ida. Ami nia familia servisu makas hodi prepara ba nain feto visita mai ami nia uma.”

Servisu Moris husi Isabel Ximenes de Jesus

“Katuas ida ne’e nia nunka kolen atu servisu hodi nune’e nia bele suporta nia famila no selu nia oan sira nian eskola. Nia fa’an modo husi dadersan nakukun to’o lor-lokraik, hodi modo sira loron tomak ho ai leba nee. Ida ne’e mak ninia sakrifisiu ba nia familia.”

Fiar Katólika husi Jacob Neto Amaral

“Iha Timor, kuase populasaun sianulu resin walu persen mak Katólika. Ha’u nia famila reza wainhira ami atu deskansa. Religiuan Katólika mai iha ami nia nasaun wainhira Portuges sira ukun Timor iha versiklu sanulu resin neen. Nia sai kuinesidu iha tempo funu Indonesia tamba Igreja Katólika ajuda ema barak nian moris.”

Halimarho Roda husi Octoviano Tefa Falol

“Yoma sempre dudu roda iha ami nia uma oin. Labarik sira koeleta roda at atu bele halimar ho iha tempo lokraik. Wainhira Yoma halimar roda, nia nuka hatais sinelhos tamba nia tauk monu. ”

Ha’u Nia Alin Mane husi Rosalina da Silva

“ Ida ne’e mak ha’u nia alin Wilson. Wilson gosta tebes halimar tebe bola no halimar Play Station. Dalaruma ha’u hanorin Wilson oinsa atu hakerek no lee.”

Hamos To’os husi Veronica de Sousa Silva

“Ami servisu hamos tos iha loron Sabado. Ami kuda modo sira atu nune ami bele han wanhira ami ba merkadu, ami so bele hola deit buat nebe mak ami labele kuda iha ami toos. Ha’u nia pai hanorin ha’u tenke servisu makas mak foin bele hetan hahan.”

Hili Ai husi Norberto Fatima Perreira

Retratu Rasik husi Abel de Jesus Soares

Sosa Modo husi Adelina Josefina da Costa

Fahi husi Anicia Goncalves Sarmento

Fahan Bandeira husi Arlindo Americo Perreira Rodrigues

Visita husi Virgen Maria husi Finolia da Costa Faria Barreto Guterres

Servisu Moris husi Isabel Ximenes de Jesus

Fiar Katólika husi Jacob Neto Amaral

Halimarho Roda husi Octoviano Tefa Falol

Ha’u Nia Alin Mane husi Rosalina da Silva

Hamos To’os husi Veronica de Sousa Silva

Galeria | grupu 11

Hatudu Grupu

“Oin-oin kona-ba sanulu resin ida”

Eskola 5 de Maio,

Dili, Timor-Leste, 2019.