Retratu Rasik

"Lokraik-lokraik depois de remata eskola ha’u nia servisu mak fase bikan. Ha’u nia familia sira hela iha Balibo iha distrito Bobonaro. Ha’u hela ho ha’u tiun iha Dili atu ha’u bele ba eskola. Iha ne’e ha’u hanoin hela ha’u nia familia sira iha Balibo.”

Avó-Mane

"Tiu ida ne’e halo ha’u hanoin fali ha’u nia avó-mane iha Balibo. Nia oin hanesan ha’u nia avó-mane nian no sira nain rua mama malus loron-loron.””

Merkadu

"Ha’u gosta han modo tahan no hudi. Wainhira ha’u ba hola hahan ba familia, ha’u sempre ba iha merkadu atu sosa ai-han fresku.”

Uma Foun

“Ha’u ajuda ha’u nia tiun hadia uma. Ami nia uma agora dadaun iha quarto tolu no ema nain sia mak hela iha laran, tamba ne’e mak ami halo tan uma bo’ot ida. Ema hotu-hotu nebe hela iha neba ajuda halo servisu.”

Labarik Mane

"Ha’u ba merkadu no ha’u hasoru alin mane ne’e fa’an hela donats. Nia haree ha’u nia camera no nia husu ha’u atu hasai nia foto. Nia husu ha’u, foto ne’e atu lori ba nebe? No ha’u dehan ba nia “Australia”. Nia kontente lo’os no nia haruka hau atu hasai tan.”

Tahu

“Ha’u nia familia hakarak han tahu loron-loron. Ha’u sempre hola tahu husi tia ne’e, tamba nia tahu ne’e fresku no dala ruma nia aumenta oituan.”

Retratu Rasik

Avó-Mane

Merkadu

Uma Foun

Labarik Mane

Tahu

Galeria | solu 8

Clementina de Fátima Pereira

“Oin-oin kona-ba ne'en”

Eskola Cristal,

Dili, Timor-Leste 2017