Feto Forte husi Josue Willian Alwyn
“Ha’u admira ho senhora ida ne’e. Normalmente mane mak fa’an modo iha karosa, tamba ida ne’e todan tebes, no tenke dudu do’ok. Senhora ne’e nia katuas oan foin lalais mak mate. Tamba situasaun ne’e mak halo nia tenke fa’an modo mesak. Nia fo hanoin fali ba ha’u, kona ba ha’u nian inan nebe mak forte. Ha’u nia inan iha kaben rua. Ida dahuluk mate iha tempo funu, no ida daruak mak ha’u nia aman nebe mos mak mate tamba hetan asidente iha servisu fatin. Ha’u nia inan agora tenke servisu makas hodi suporta nia oan sira hotu no nia a’an rasik.”