Kobradór

"Bainhira ba eskola ho mane ida ne’e. Nia para eskola sedu tamba nia aman mate. Nia tinan sanulu resin hitu maibe nia kaben sedu no iha oan ida tamba ne’e nia persisa buka osan. Loron tomak nia dudu nia karosa haleu strada iha Dili laran hodi hili botir nomos kalen no hodi ba halo resiklo iha Indonesia. Selu nia ho osan mais ou menus centavos ruanulu no centavos ne’en nulu kada kilo.”

Viziñu

"Ha’u nia viziñu nia laiha fen ka oan. Nia hela ho nia maun nia familia. Nia kuda modo ba nia familia hodi han no balu fa’an iha uma oin.”

Na’an Kabuar

"Labarik ida ne’e fa’an na’an kabuar ho folin centavos lima. Nia hateten ba ha’u nia husi distritu Oecussi. Nia inan no aman sira kiak tebes no laiha osan hodi haruka nia ba eskola. Nia mai iha Dili hodi buka osan no haruka ba nia familia sira. Ha’u senti triste tebes ba nia; nia tinan sanulu resin ne’en hanesan mos ha’u.”

Lekirauk

“Ha’u hasai foto ida ne’e tamba ha’u gosta lekirauk. Lekirauk ne’e kolega nian. Nia naran Shakira tamba dansa bainhira music lian. Nia iha redi laran tamba nia nakar. Se karik mak nia laiha redi nia oho manu no halo foer uma laran.”

Joga Karta

"Ha’u hare labarik nain tolu ne’e joga karta loro-loron. Sira usa surat tahan husi sigaru nia kaixa hodi usa hanesan osan. Labarik mane ida iha klaran ne’e nia mak sempre manan no hakarak fila ba uma hodi han, maibe nia sira nain rua seluk hakarak nia hela hodi halimar nafatin.”

Retratu Rasik

“Ha’u gosta halai lor-loron. Ha’u hakarak hatudu ba ema iha Australia katak masque ami ne’e isin ki’ik iha Timor ami sempre halo ezersísiu atu nune’e nafatin isin diak no forte.”

Kobradór

Viziñu

Na’an Kabuar

Lekirauk

Joga Karta

Retratu Rasik

Galeria | solu 7

Jose Noel Hornai Da Costa Pinto

“Oin-oin kona-ba ne'en”

Eskola Cristal,

Dili, Timor-Leste 2017