Ami Nia Dapur hosi Joaninha Ximenes de Araújo

“Loron loron ami ku’u modo ba te'in iha ahi natan iha ami nia uma laran. Molok eskola ramata ha’u te’in han meudia. Ha’u nia familia nia gosta han liu mak batar dan no etu.”

Familia Boot hosi Floriano Fernandes

“Sira ne'e hau nian maun alin no primu sira. Ami hotu tebe bola hamutuk, nune duni familia boot diak.”

Belun Diak Liu Hotu hosi Carlito Sarmento Godinho

“Ida ne'e ha'u nia belun diak liu hotu, ho ha'u nia maun no sobriñu. Zacarias halo fudik fuma. Ema dehan katak tenki fuma tanba iha Hato-Builico malirin. Ami hatete ba katuas sira katak fuma la diak ba sira maibe sira la rona.”

Ha'u Nia Inan by Carlito Sarmento Godinho

“Ha’u nia Inan no Aman la eskola; iha ha’u nia familia ha’u mak foin dahuluk. Ha’u-nia inan no aman hatene mai ha’u atu bá eskola loron-loron tanba edukasaun importante tebe-tebes. Aban bainrua ha’u hakarak sai mestre ka polísia.”

Loron Basar hosi António Ximenes Pacheco

“Ami faan ami nia modo iha Merkadu iha Kuarta no Sábadu. Ha'u nia aman mos karpinteiru no ha'u ajuda nia halo karrosa ida ne'e.”

Tian Nia Uma hosi Madalena da Conceição Amaral

“Ha'u nia inan ho aman mate tiha ona neduni ha'u hela ho ha'u nia maun. Foto ida ne'e hasai iha ha'u nia tian nia uma tanba nia hela besik no ha'u ba han iha nia beibeik no dala ruma mos ha'u toba iha neba'.”

Katolisismu hosi João Alves Lopes

“Kalan kalan ami nia familia tomak reza hamutuk iha uma. Ami husu bensa no agradese ba Nai Maromak.”

Uma Lulik hosi Florinda da Silva

“Tinan tinan iha fulan Juñu ami fó halolon ba matebian sira hodi husu udan no rai diak hodi halo to'os. Lian nain sira hahenu batar no dala ruma karau ulun ida ba ai-tos no sira harohan.”

Familia by Carlito Soares de Deus

”Ha’u hela hamutuk ho ha’u nia inan ho aman, maun nain rua, aloin feto nain tolu no tiu nain rua. Ha’u nia inan ho aman hela iha uma tradisionál ida ne'e no ami sira seluk ne'e hela hamutuk iha uma seluk. Ha’u nia aman halo parte iha rezisténsia. Dala ruma nia ko’alia kona-ba ida ne'e.”

Karau-Timor hosi Ananias Brandão

“Ha’u nia belun diak liu ne'e mak ne'e. Karau-timor ne'e importante ba' ami. Karik ema ruma mate ami lori karau-timor ba' Uma Lulik hodi halo seremonia no hodi halo lia ba mate bian sira. Ami oho karau-timor hodi fo' han ema.”

Ami Nia To'os hosi Alcina dos Reis

“Ha'u nia aman ni inan to'os nian. Ha'u iha alin mane no alin feto nain hitu. Ha'u la hela ho ha'u nia inan no aman sira maibe ha'u ba' ajuda sira ihas Sabadu no Domingu no bainhira eskola feriadu.”

Avô Mane Sira hosi Orlando de Fátima

“Ha’u nia Avô Mane sira hela uma sorin no besik ami. Avô Mane nain rua hotu sei servisu halo to'os. Sira hatais tais, hanesan ba' seremonia tradisional sira, hodi hasai retratu ida ne'e.”

Avó Feto hosi Veronica de Araújo

“Ha’u nia avó feto matan delek tanba ne’e mak ha’u tulun bodik nia hodi ba basar. Iha nia boté nia iha tabaku no nésun oan hoti fai malus no bua tanba nia nehan laiha ona. Mak nia la mama malus nia oin triste.”