Kria Arte Laos Funu husi Jackie Ly

"Ha’u gosta tebes lee livru sira, espesialmente kona ba funu tamba storia sira ne’e sempre halo ita sinseru. Ha’u pinta aifunan iha livru laran tamba ne’e simbolu liberdade, maibe la hanesan ho realidade iha livru refere. Iha karuk ne’e aifunan simu ahi naroman nebe simbolu problema funu nian, kontrariu ba aifunan nebe fase sai, hatudu Liberdade ikus.”

Ami Nia Fulan Tomak husi Anniette Nguyen

“Iha ha’u nia religiaun, Budhismu, ami lao tuir kalendariu espisifiku atu hatene banhira mak labele han naan. Ida ne’e sempre iha loron dahuluk no loron sanulu resin lima iha fulan, ou wainhira fulan tomak.”

Ai-funan Kinur husi Trinh Phan

"Ama kuda ai-funan barak iha ami nia jardin no ida ne’e mak ha’u nia favoritu. Ha’u sempre hare wainhira ha’u sai husi uma. Ida ne’e halo ha’u sente haksolok no hasae ha’u nia espiritu."

Tempu Mesak husi Julinda Tong

”Hanesan estudante sekundariu, difikuldade mai ha’u atu hetan tempo kualidad mesak. Tamba ne’e, ha’u valoriza tebes no uza didiak tempo no ne’e fo ha’u atu subar an husi realidade. Ida ne’e mos fo ha’u oportunidade atu hanoin fila fali ha’u idea no reflekte kona ba ha’u nia an.”

Loron Matan Monu husi Bis Nebe Halai Hela husi Annie Cao

“Iha ha’u nia dalan ba uma husi eskola ha’u hare lalehan no hanoin ida ne’e kapas no halo ha’u admira. Ha’u nia tempu barak iha eskola baruk no hare lalehan hanesa ne’e halo ha’u nia loron haksolok.”

Natureza husi Michelle Tang

“Ha’u gosta viagen no explora fatin foun ho ha’u nia familia. Tinan-tinan, ami sai ho familia. Tinan kotuk ami viagem horas sanulu resin nen ho kareta atu hare parte foun iha Australia, iha Adelaide. Adelaide furak los no natureza iha neba kapas tebes.”

Komboiu Nia Dalan husi Rita Pan

“Komboiu sira nia dalan ne’e iha ponte nia okos ne’ebe mak halo komboiu sira halai husi parte ba lorosae ba Sydney. Komboiu sira mosu wainhira ha’u hakat ba ponte sorin. Fatin ne’e hakmatek tebes wanhira komboiu liu tiha. Ha’u gosta silensiu.”

Liña Mihis husi Vunida Khiev

“Signifikadu moris ne’e mai ha’u nia hanoin wainhira ha’u hare imagen ne’e. Kadeli ida-idak haleu fatuk ne’e representa prosesu no pasiensia iha ita nia moris. Tali ne simbolu kesi metin, hatudu katak mesmu ita monu ita monu tama fali ba kadeli sira ne’e, iha dalan nebe mak los. Karik ita nia dalan ida uluk bele att, fiar katak lori ba dalan nebe mak foun.”

Poppy husi Jasmine Guo

“Ha’u nia ama, ha’u nia alin mane no ha’u ba fatin hakiak busa no ami hanaran nia Poppy tuir ai-funan nebe simbolu esperansa. Nia hanesan ha’u nia oan feto no hola parte iha ha’u nia familia.”

Loron Matan husi Jennifer Ly

“Ha’u estuda hela wainhira ha’u hasai foto ne’e. Hare lalehan no loron matan monu halo ha’u hakmatek. Kores roxo, rosas no azul hakalma tebes ha’u kompara ho lapizeira no kadernu nebe mak halo ha’u fokus ba oras naruk. Precisa tempu mamuk molok tama fali ba buat nebe mak susar.”

Me husi Lily Truong

“Ha’u gosta tebes lao no explora fatin oin-oin ho ha’u nia kolega no familia sira. Ha’u gosta ba tasi atu rona laloran nia lian nebe baku sai mai tasi ninin, ne’e halo ha’u hakmatek tebes.”

Hanoin iha Dalan Komboiu Nian husi Narunvimean Ly

“Ha’u iha hanoin negativu ne’ebe mak barak, maibe ha’u sempre koko ha’u nia an atu liu tiha husi sira ne’e. ‘’Moris nafatin tamba o importante’’. Ida ne’e mak ema dehan maibe sira nia hahalok nebe hatudu ne’e diferente. Ita nunka atu hatene ita hotu atu ba nebe tamba ne’e diak liu hanoin kona ba aban. Halao ita nia moris, tamba la iha ema ida moris diak liu o.”

Lalehan Manas husi Jenny Vo

“Lalehan atrai ha’u nia matan husi ha’u nia dalan ba uma iha Komboiu laran, ida ne’e halo ha’u sente manas tamba ha’u bele hasoru ha’u nia kolega sira no ami bele aproveita no hare loron matan monu hamutuk.”

Iha Laran Iha Liur husi Jessica Luu

“Ida ne’e mak hare sai husi ha’u nia janela kuartu. Maske ha’u hakarak explora mundu, foto ida ne’e representa ha’u nudar ema moe door, uza ha’u nia tempu laran no mesak, uza ha’u nia kuartu hanesan fatin haketak mundo iha liur.”